ரீ.ஐ.டியினரால் கைது செய்யப்பட்ட மணிவண்ணனைச் சந்திக்க மறுக்கப்பட்ட அனுமதி – காத்திருக்கும் சட்டத்தரணிகள்

விடுதலைப் புலிகளை மீள் உருவாக்க முயற்சித்த குற்றச்சாட்டில் பயங்கரவாத தடுப்பு சட்டத்தின் கீழ் கைதுசெய்யப்பட்டுள்ள யாழ்.மாநகர முதல்வர் சட்டத்தரணி வி.மணிவண்ணனை சட்டத்தரணிகள் சந்திப்பதற்கு அனுமதி வழங்கப்படவில்லை.

யாழ்.மாநகர சபையின் காவல் படை விவகாரம் தொடர்பில் நேற்று வியாழக்கிழமை இரவு 8 மணிக்கு யாழ்ப்பாண பொலிஸ் நிலையத்திற்கு அழைக்கப்பட்ட முதல்வரை பொலிஸ் நிலையத்தில் தடுத்து வைத்து சுமார் 6 மணி நேரம் கடுமையான விசாரணைகளை முன்னெடுத்த பொலிஸார் இன்று வெள்ளிக்கிழமை அதிகாலை 2 மணியளவில் முதல்வரை பயங்கரவாத தடுப்பு சட்டத்தின் கீழ் கைது செய்தனர்.

கைதுசெய்யப்பட்ட முதல்வரை அதிகாலையே வவுனியாவில் உள்ள பயங்கரவாத தடுப்பு பிரிவுக்கு கொண்டு சென்று மேலதிக விசாரணைகளை முன்னெடுத்து வருகின்றனர்.

இந்நிலையில் இன்று காலை வவுனியாவில் உள்ள பயங்கரவாத தடுப்பு பிரிவுக்கு சென்ற சட்டத்தரணிகள், முதல்வரை சந்திக்க கோரிய போது, அதற்கு அனுமதி மறுக்கப்பட்டுள்ளது.

இந்நிலையில் சட்டத்தரணிகள் எழுத்து மூல அனுமதிகோரி முதல்வரை சந்திப்பதற்காக காத்திருக்கிறமை குறிப்பிடத்தக்கது.

Be the first to comment

Leave a Reply