வடகொரிய படையினருக்கு பறந்த கட்டளை -கண்டதும் சுட உத்தரவு

உலகை அச்சுறுத்திவரும் கொரோனா தொற்று தமது நாட்டுக்குள் பரவாமல் தடுப்பதற்கான முன்னெச்சரிக்கை நடவடிக்கையாக குறித்த பகுதியில் நடமாடும் எரையும் கண்டதும் சுட உத்தரவிட்டுள்ளார் வடகொரிய ஜனாதிபதி.

இதன்படி சீனாவுடனான வடகொரியாவின் எல்லையிலிருந்து அரை மைல் தூரத்திற்குள் தென்படும் எவரையுமே கண்டதும் சுட்டுக் கொல்ல இராணுவத்தினர் மற்றும் பொலிசாருக்கு உத்தரவிடப்பட்டுள்ளது.

கடுமையான இந்த புதிய நடவடிக்கை வியாழக்கிழமை நள்ளிரவில் நடைமுறைக்கு வருவதற்கு ஒரு நாளுக்கு முன்னர் அறிவிக்கப்பட்டுள்ளதாக தகவல் வெளியாகியுள்ளது.

இதனிடையே, வடகொரிய பொதுமக்கள் சீன எல்லை அருகே சென்றதற்கான காரணத்தைப் பொருட்படுத்தாமல் உரிய நடவடிக்கை முன்னெடுக்கப்படும் என ஹொரியோங் நகர பொலிசார் தெரிவித்துள்ளனர்.

கண்டதும் சுட உத்தரவானது சீனா உடனான வடகொரியாவின் 880 மைல் தொலைவு எல்லைப்பகுதிக்கும் பொருந்தும் என அறிவிக்கப்பட்டுள்ளது.மட்டுமன்றி எல்லைப்பகுதியில் உள்ள பொலிசார் மற்றும் இராணுவ முகாம்களுக்கு தேவையான துப்பாக்கி குண்டுகளையும் வடகொரிய அரசாங்கம் லொறிகளில் அனுப்பி வைத்துள்ளது.

மேலும், துப்பாக்கிச் சூடு மேற்கொள்ளும் அதிகாரிகள் மீது துறை ரீதியான எவ்வித நடவடிக்கையும் மேற்கொள்ளப்படாது எனவும் அறிவிக்கப்பட்டுள்ளது.

கொரோனா பரவலை முன்னிட்டு இரு நாடுகளும் எல்லைகளை மூடி வர்த்தகத்தை நிறுத்திய போதிலும் எல்லை அருகாமையில் உள்ள மக்கள் இரகசியமாக வர்த்தகத்தை முன்னெடுத்து வந்துள்ளனர்.

தற்போது கண்டதும் சுட உத்தரவு பிறப்பிக்கப்பட்ட நிலையில், சிறப்பு படைகளும் கண்காணிப்பில் ஈடுபடுத்தப்பட்டுள்ளன.

Be the first to comment

Leave a Reply