புலிகளுக்கு ஆயுதம் வழங்கினார் சஜித்; பரகசியப்படுத்திய கருணா; அதிரும் கொழும்பு..!

இந்தியபடையை அழிக்க சஜித்பிரேமதாசாவும் அவரின் தந்தையார் பிரேமதாஸ ஆகிய இவரும் ஆயுதங்கள் துப்பாக்கி ரவைகளை விடுதலைப்புலிகளுக்கு வழங்கியிருந்தார்கள். எனவே சஜித்பிரேமதாசாவையும் சி.ஜ.டி. யினர் விசாரணைக்கு அழைக்கவேண்டும் என தமிழர் ஜக்கிய சுதந்திர முன்னணி கட்சியின் தலைவரும் அகில இலங்கை தமிழர் மகாசபையின் அம்பாறை மாவட்ட வேட்பாளருமான கருணா அம்மான் என்றழைக்கப்படும் விநாயகமூர்த்தி முரளீதரன் தெரிவித்தார்.

கடந்த சில தினங்களுக்கு முன்னர் நாவிதன்வெளி பிரதேசத்தில் பிரச்சாரத்தின்போது ஆனையிறவில் ஒரே இரவில் 3 ஆயிரம் இராணுவத்தை கொன்றதாக தெரிவிக்கப்பட்ட கருத்து தொடர்பாக குற்றப் புலனாய்வு பிரிவுக்கு உடனடி விசாரனைக்கு அழைக்கப்பட்டுள்ளது தொடர்பாக அவரிடம் இன்று திங்கட்கிழமை (22) தொலைபேசியில் தொடர்பு கொண்ட போது அவர் இவ்வாறு தெரிவித்தார்

நான் பதிலை கொடுப்பதற்கு தயாராக இருக்கின்றேன் ஓளிவு மறைவுக்கு ஒன்றுமில்லை கடந்தகாலத்தில் நடந்த கொடிய யுத்தத்தை பற்றிதான் நான்பேசினேன் அதை நிறுத்தி சமாதானத்தை கொண்டு வந்து ஒரு மாற்றத்தை உருவாக்கியதை தான் பிரச்சாரத்தின்போது அதரிவித்தேன் இதை அரசியல் இலாபமடைகினற் சிலர் பூதாகரமாக்கி குறிப்பாக சஜித்பிரேமதாசா கடும் முயற்சிகளை எடுத்து பூதாகரமாக்கியுள்ளார்.

உண்மையில் அவரையும் விசாரணைக்கு அழைக்க வேண்டும் என்னை பொறுத்தளவில் இந்தியபடை வெளியேறிய காலத்தில் இந்தியபடையை அழிக்க இவரின் தந்தையாரும் இவரும் துப்பாக்கி ரவைகள் ஆயுதங்களை விடுதலைப்புலிகளுக்கு வழங்கியிருந்தார்கள்

இந்த விடுதலைப் புலிகளை பலப்படுத்தியவர்கள் ஜக்கிய தேசிய கட்சி இதைப் பார்க்கும் போது அவர்களையும் விசாரணைக்கு அழைக்கவேண்டும். அனுராகுமார திஸநாயக்கா இதைப்பற்றி பேச அருகதையற்றவர் அவர்கள் தங்கள் சொந்த மக்கள் 80 ஆயிரம்பேரை கொலை செய்தவர்கள் எனவே கடந்தகால யுத்தத்தைப்பற்று கதைத்தோன் ஒழிய தவறாக கதைக்கவில்லை என்றார்.

Be the first to comment

Leave a Reply