தேர்தலை பிற்போட எதிரணி சதித்திட்டம்! மஹிந்த அணி குற்றச்சாட்டு..!

நாடாளுமன்றத் தேர்தலைத் தொடர்ந்து பிற்போட எதிரணியினர் அரசியல் சூழ்ச்சியை முன்னெடுக்கின்றார்கள் என்று ஐக்கிய மக்கள் முன்னணியின் முன்னாள் நாடாளுமன்ற உறுப்பினர் லக்‌ஸ்மன் யாப்பா அபேவர்தன குற்றம்சாட்டியுள்ளார்.

இது தொடர்பில் அவர் மேலும் தெரிவித்துள்ளதாவது,

பொதுத்தேர்தலை நடத்துவதற்கு எதிரணியினர் ஆரம்பத்தில் இருந்து தடைகளைப் பல்வேறு வழிமுறைகளில் ஏற்படுத்தினார்கள்.

கொரோனா வைரஸ் தாக்கத்தைப் பயன்படுத்தித் தொடர்ந்து பொதுத்தேர்தலைப் பிற்போடுவதற்கு முயற்சிக்கின்றார்கள்.

ஐக்கிய தேசியக் கட்சி பிளவுபட்டுள்ளது. இந்த நிலையில், பொதுத்தேர்தலில் போட்டியிட்டால் பாரிய தோல்வியடைய நேரிடும் என்ற காரணத்தால் உயர்நீதிமன்றத்தில் எதிரணியினர் மனுத்தாக்கல் செய்துள்ளனர்.

அங்கீகரிக்கப்பட்ட வேட்புமனுக்களை இரத்துச் செய்ய வேண்டும் என எதிரணியினர் குறிப்பிடுவதை ஒருபோதும் ஏற்றுக்கொள்ள முடியாது.

பிளவுபட்டுள்ள ஐக்கிய தேசியக் கட்சியை ஒன்றுபடுத்தி புதிதாக வேட்புமனுத்தாக்கல் செய்யவே எதிரணியினர் கலைக்கப்பட்ட நாடாளுமன்றத்தை மீளக்கூட்டுமாறு வலியுறுத்தி வருகின்றனர்.

தேர்தல்கள் ஆணைக்குழு அரசியல்வாதிகளின் கருத்துகளுக்கு முக்கியத்துவம் அளிக்க வேண்டிய தேவை கிடையாது. ஆணைக்குழுவின் சுயாதீனத் தன்மைக்கு ஏற்ப செயற்பட்டால் பிரச்சினைகளுக்குத் தீர்வைக் காணலாம் என்றும் தெரவித்துள்ளார்.

தொடர்புபட்ட செய்திகள்

Be the first to comment

Leave a Reply